Kerala

ഉമ്മൻചാണ്ടിക്കെതിരായ സോളാർ കേസ്​ ഒമ്പതിലേക്ക്​ മാറ്റി

ബാംഗ്ലൂർ: ഉമ്മൻചാണ്ടിക്കെതിരായ സോളാർ  കേസ്​ പരിഗണിക്കുന്നത്​ ബാംഗുളൂരു സെഷൻസ്​ കോടതി ഇൗ മാസം ഒമ്പതിലേക്ക്​ മാറ്റി. വ്യവസായി എം.കെ കുരുവിളയുടെ അഭിഭാഷക​െൻറ ആവശ്യപ്രകാരമാണ്​ കേസ്​ പരിഗണിക്കുന്നത്​ മാറ്റിയത്​. എം.കെ കുരുവിള നൽകിയ പരാതിയിൽ സോളാർ കേസിൽ ഉമ്മൻ ചാണ്ടി ഉൾപ്പെടെയുള്ള അഞ്ച് പ്രതികൾ കുരുവിളയ്ക്ക് നഷ്​ടപരിഹാരമായി 1.6 കോടി രൂപ നൽകണമെന്ന്​  ബംഗുളൂരു സെഷൻസ്​ കോടതി വിധിച്ചിരുന്നു.

വിധിയെ ചോദ്യം ചെയ്​തും ത​െൻറ ഭാഗം കേൾക്കാതെയാണ്​ വിധി എന്ന്​ കാണിച്ചും രണ്ട്​ ഹരജികൾ ഉമ്മൻചാണ്ടി കോടതിയിൽ സമർപ്പിച്ചിരുന്നു. ഹരജിയിൽ വാദം കേട്ട കോടതി കുറ്റക്കാരനല്ലെന്നതിനുള്ള തെളിവുകളുമായി കോടതിയിൽ ഹാജരാകാൻ ആവശ്യ​െപ്പടുകയായിരുന്നു.കഴിഞ്ഞ ഡിസംബർ 14നാണ്​ ഹാജരാകാൻ ആവശ്യപ്പെട്ടതെങ്കിലും അസൗകര്യമറിയിച്ച്​ ഉമ്മൻചാണ്ടിയുടെ അഭിഭാഷകൻ കോടതിയെ സമീപിച്ചിരുന്നു. തുടർന്നാണ്​ ഇന്ന്​ ഹാജരാകാൻ നിർദ്ദേശിച്ചത്​. രാവിലെ 10.30 ഒാടെ തന്നെ അഭിഭാഷകരുമൊത്ത്​ ഉമ്മൻചാണ്ടി കോടതിയിൽ ഹാജരായിരുന്നു.

Leave a Reply

Your email address will not be published. Required fields are marked *